Мулоқоти Сироҷидин Аслов бо Сергей Лавров
Душанбе, 2.04.2015 (АМИТ «Ховар»).- 2 апрели соли ҷорӣ дар шаҳри Душанбе дар ҳошияи ҷаласаи Шӯрои вазирони корҳои хориҷии Созмони Аҳдномаи амнияти дастаҷамъӣ мулоқоти Вазири корҳои хориҷии Ҷумҳурии Тоҷикистон Сироҷидин Аслов бо Вазири корҳои хориҷии Федератсияи Россия Сергей Лавров доир гардид.
Дар рафти вохӯрӣ ҷонибҳо масъалаҳои мубрами рӯзномаи байналмилалиро муҳокима намуда, аҳамияти амалиёти муташаккилона ва ҳамоҳангшудаи ҳарду кишварро дар таъмини амнияту субот дар минтақа таъкид намуданд.
Ҷонибҳо, инчунин аз ҳолати мавҷудаи ҳамкориҳои мутақобила изҳори қаноатмандӣ намуда, таҳкиму густариш ёфтани муносибатҳои фарогири миёни Тоҷикистону Россияро дар ҳамаи самтҳо қайд карданд.
Дар ин ҷода нақши Комиссияи байниҳукуматӣ оид ба ҳамкориҳои иқтисодии Тоҷикистону Россия, ки ҷаласаи навбатии он моҳи марти соли ҷорӣ баргузор шуд, махсусан таъкид гардид.
Дар тақвияти муҳокимаи масъалаҳои дуҷониба, ҷонибҳо оид ба роҳҳои ҳалли як қатор масъалаҳои ҳалталаби ҷойдошта ибрози ақида намуданд.
Изҳори боварӣ гардид, ки мулоқоти мазкур ҷиҳати идомаи раванди мусбии робитаҳои гуногунҷабҳаи Тоҷикистону Россия такони нав бахшида, муносибатҳои минбаъдаи дуҷониба ва ҳамкориҳоро дар доираи созмонҳои байналмилалӣ боз ҳам таҳкиму густариш мебахшад.
Мулоқот дар фазои гарму созгор доир гардида, дар анҷоми он Барномаи ҳамкории байни вазоратҳои корҳои хориҷии Ҷумҳурии Тоҷикистон ва Федератсияи Россия барои соли 2015 ба имзо расонида шуд.
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
Дар Ҳисор дар мавзуи муқовимат ба коррупсия конфронси илмӣ доир гардид
Ҷалби ташкилоти хориҷӣ ба Форуми байналмилалии «Dushanbe Invest 2025» баррасӣ гардид
