Намоишгоҳи асарҳои минётурӣ дар Душанбе
Душанбе, 07.04.2015. (АМИТ “Ховар”, Марҳабои Азамат).- Аз 11 то 30 апрели соли ҷорӣ дар меҳмонхонаи “Серена”- и шаҳри Душанбе асарҳои рассомони санъати минётурӣ Олим Камолов ва духтари ӯ Бону Камолова ба маърази намоиш гузошта мешавад.
Дар ин бора танзимгари намоишгоҳ рассом Сарвиноз Ҳоҷиева ба АМИТ “Ховар” хабар дод.
Муофиқи суханони мавсуф, дар намоишгоҳ беш аз 70 асари Олим Камолов ва духтараш Бону манзури ҳаводорони санъат карда мешавад.
“Намоишгоҳи асарҳои Олим Камолов дар жанри “минётур” маротибаи дуюм аст, ки дар меҳмонхонаи “Серена доир гардида, Бону Камолова асарҳояшро бори нахуст дар ин меҳмонхона пешкаши ҳаводорони санъат менамояд.Аз ин пеш Бону Камолова асарҳояшро дар намоишгоҳи “Гулдухтарони тоҷик”, ки ҳамасола ба ифтихори Рӯзи модар доир мегардад, ба маърази намоиш гузошта буд”,- гуфт Сарвиноз Ҳоҷиева.
“Яке аз мақсадҳои асосии намоишгоҳ бо ҳаводорони санъати рассомӣ шинос кардани на фақат сокинони кишвар, балки меҳмонони хориҷӣ низ мебошад. Бинобарин мо тасмим гирифтем ки онро дар меҳмонхонаи “Серена” доир намоем”,- афзуд Сарвиноз Ҳоҷиева.
Назар ба иттилои манбаъ, Олим Камолов баъди дар Душанбе ба маърази намоиш гузоштани асарҳояш дар Намоишгоҳи байналмилалии Туркия, ки моҳи май доир мегардад, иштирок менамояд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
