Намоиши китобҳо дар ДМИТ

Душанбе, 10.04.2015. (АМИТ «Ховар», Раъно Нусратуллозода).-Бо ташаббуси шуъбаи корҳои илмӣ -тадқиқотии Донишкадаи молия ва иқтисоди Тоҷикистон (ДМИТ) дирӯз дар донишкада намоиш ва фурӯши китобҳо доир гардид. Он аз ҷониби Корхонаи давлатии таъминот ва савдои китоби Вазорати фарҳанги Ҷумҳурии Тоҷикистон бо мақсади дастрас, шиносоӣ, таблиғу тарғиб ва ба мутолиаи китоб ҷалб намудани донишҷӯён ва дӯстдорони китоб бо адабиёти гуногунсоҳаи тозанашр сурат гирифт.
Ба иттилои ДМИТ дар намоишгоҳ зиёда аз 134 номгӯй китоб, аз қабили адабиёти бадеӣ ва илмӣ, китобҳои бачагона ба фурӯш гузошта шуданд, ки шумораи зиёди донишҷӯён ва устодон аз онҳо баҳраманд гардиданд. 
Корхонаи мазкур тасмим гирифтааст, ки моҳе аз 1 то 5 рӯз дар мактабҳои олии ҷумҳурӣ намоиш ва савдои китобро доир намояд.