Оила — ниҳоди муқаддас

Душанбе, 3.04.2015. (АМИТ «Ховар», Раъно Нусратуллозода).- 1 апрел дар кафедраи фанҳои гуманитарии Донишкадаи молия ва иқтисоди Тоҷикистон бо иштироки доираи васеи устодон мизи мудаввар дар мавзӯи «Оила — ниҳоди муқаддас дар фарҳанги мардуми тоҷик» доир гардид.
Мудири кафедраи мазкур Асадулло Муллоҷонов мавзӯи баррасишавандаро муҳим ва саривақтӣ арзёбӣ намуда, иброз дошт, ки оила асоси пойдории давлат ва ҷамъият аст. Инсоният баҳри инкишофи ҷомеаи мутамаддин тӯли қарнҳо ҷаҳду талошҳои зиёд варзида, марҳила ба марҳила ба беҳдошти рафтору ахлоқ, одоби бунёди оила ва оиладорӣ, маърифату фарҳанги ҳамзистӣ замина гузошт, ки ин раванд пайваста ташаккул меёбад. Бахшида ба Соли оила эълон гардидани соли 2015 аз ҷониби Сарвари Давлат Эмомалӣ Раҳмон имрӯзҳо дар саросари кишвар чорабиниҳои гуногуни фарҳангию илмӣ доир шуда истодаанд. 
Устодони кафедра Убайдулло Сабуров дар мавзӯи «Оила- ниҳоди муқаддас дар фарҳанги мардуми тоҷик» ва Арзигул Турсунова дар мавзӯи «Нақши оила дар широити муосир» маърӯза намуданд.