Парлумон ба Қонуни буҷет тағйирот ворид менамояд

Душанбе, 27.04.2015.(АМИТ «Ховар», Марзия Саидзода).- Интизор меравад, ки рӯзҳои наздик палатаи поёнии Парлумони Тоҷикистон ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2015» тағйирот ворид намояд. Масъалаи мазкур дар ҷаласаи Шӯрои Маҷлиси намояндагон, ки  27 апрел таҳти раёсати Шукурҷон Зуҳуров-раиси палатаи поёнии Парлумони мамлакат доир гардид, баррасӣ шуд.
     Аъзои Шӯро ҳамзамон лоиҳаи қонунҳои конститутсионии Ҷумҳурии Тоҷикистон «Оид ба ворид намудани тағйиру илова ба қонунҳои   конститутсионии Ҷумҳурии Тоҷикистон «Дар бораи Суди конститутсионии Ҷумҳурии Тоҷикистон», «Дар бораи судҳои Ҷумҳурии Тоҷикистон», инчунин  Созишнома оид ба ҳифзи техникии иттилоот дар Сохтори минтақавии зиддитеррористии Созмони Ҳамкории Шанхай, Конвенсия оид ба пешгирии ҷинояти генотсид ва ҷазо барои он, Созишномаи Созмони ҷаҳонии тиҷорат оид ба соддагардонии расмиёти савдо, Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Мардумии Чин оид ба бозпас гардондани маҳкумшудагонро баррасӣ намуданд.