Прокурорҳо минбаъд иди касбиашон дар баҳор таҷлил менамоянд
Душанбе, 8.04.2015.(АМИТ «Ховар», Марзия Саидзода).- Минбаъд кормандони мақомоти Прокуратураи Ҷумҳурии Тоҷикистон иди касбии худро на 14 декабр, балки дар 14 март таҷлил менамоянд. Дар робита ба ин 8 апрел вакилони Маҷлиси намояндагони Маҷлиси Олии Ҷумҳурии Тоҷикистон ба Қонуни Ҷумҳурии Тоҷикистон «Дар бораи рӯзҳои ид» тағйиру иловаҳо ворид намуданд.
Бахтовар Сафаров-узви Кумитаи Маҷлиси намояндагон оид ба қонунгузорӣ ва ҳуқуқи инсон зимни тавзеҳи лоиҳаи қонуни мазкур гуфт, ки ҳадафи ворид намудани тағйиру иловаҳо ба Қонуни Ҷумҳурии Тоҷикистон «Дар бораи рӯзҳои ид» мутобиқ намудани иди касбии кормандони мақомоти прокуратураи кишвар ба рӯзи қабули санадҳои меъёрию ҳуқуқӣ марбут ба ташкил ва фаъолияти мақомоти прокуратура дар давраи соҳибистиқлолии Тоҷикистон иртибот дорад, зеро 14 марти соли 1992 дар Ҷумҳурии Тоҷикистон Қонун «Дар бораи додситонии Ҷумҳурии Тоҷикистон» қабул ва мансаби Прокурори генералии Ҷумҳурии Тоҷикистон таъсис дода шуд.
Қаблан кормандони ниҳоди додситонии Тоҷикистон иди касбии худро рӯзи 14 декабр, ки ба таъсиси Прокуратураи давлатии Ҷумҳурии Худмухтори Шӯравии Сотсиалистии Тоҷикистон, яъне ба 14 декабри соли 1924 марбут буд, таҷлил мекарданд.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар водиҳои Тоҷикистон ҳаво то 18 дараҷа гарм мешавад
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
Имрӯз дар шаҳри Душанбе ҳаво то 15 дараҷа гарм мешавад
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
