Шерхон Салимзода ба Маскав рафт

Душанбе,13.04.2015. (АМИТ «Ховар», Мавҷуда Анварӣ).-Имрӯз раиси Федератсияи иттифоқҳои касабаи мустақили Тоҷикистон Салимзода Шерхон Одина барои иштирок дар ҷаласаҳои Кумитаи иҷроия ва Шӯрои генералии Конфедератсияи умумии иттифоқҳои касаба, ки ташкилотҳои байналхалқии иттифоқҳои касабаи кишварҳои Иттиҳоди давлатҳои мустақилро муттаҳид мекунад, ба шаҳри Маскав сафар кард.Тибқи иттилои Ҳикматулло Иззатов, котиби матбуоти Федератсияи иттифоқҳои касабаи мустақили Тоҷикистон дар ҷаласа Салимзода Ш. О. «Дар бораи вазъи иҷтимоӣ-иқтисодӣ дар ҷумҳурӣ ва вазифаҳои иттифоқҳои касаба» сухан хоҳад кард.Интизор меравад, ки дар доираи сафар Салимзода Ш. О. бо директори Бюрои ташкилоти байналхалқии «Меҳнат» дар шаҳри Маскав Димитрина Димитрова оид ба масъалаи пешомадҳои ояндаи ҳамкориҳои дутарафа ва муайян намудани афзалиятҳо вохӯрӣ намояд.Тибқи иттилои манбаъ, рӯзҳои 16 ва 17 апрели соли равон Салимзода Ш. О. ҳамзамон дар кори Ассамблеяи байнипарлумонии кишварҳои ИДМ, ки дар шаҳри Санкт-Петербург баргузор мегардад, иштирок хоҳад кард.