Сирки Маскав дар Душанбе

Душанбе, 15. 04. 2015. (АМИТ «Ховар», Фарзона Достонзода). — Аз 25 апрел то 24- майи соли ҷорӣ дар бинои Сирки давлатии Тоҷикистон барномаи наву рангин бо номи «Сирк дар об» намоиш дода мешавад.Тавре ки сомонаи расмии Вазорати фарҳанг иттилоъ медиҳад, барнома дар чорчӯбаи ҳамкориҳои фарҳангӣ миёни Тоҷикистон ва Федератсия Русия роҳандозӣ шуда, ҳунармандони шаҳри Маскав ҳунарнамоӣ хоҳанд кард.Мавриди зикр аст, ки барнома аз 12 бахш иборат буда, дар он ҳайвонҳо, ба мисли маймунҳо, гурбаҳои обӣ, сагҳо, ҷайраҳо, тӯтиҳо ва дигар ҳайвону парандаҳо истифода мешаванд.