Суғд: Истеҳсоли гӯшт ва шир афзудааст

Душанбе, 13.04.2015. (АМИТ Ховар, Рафоати Абдулҳамид).- То ҳолати 1-уми апрели соли 2015 ҳаҷми истеҳсоли гӯшт дар ҳамаи бахшҳои хоҷадоргӣ 9555 тоннаро ташкил намуд, ки нисбат ба 1-уми апрели соли 2014- ум 8,4 фоиз зиёд мебошад.Ба иттилои Хадамоти матбуоти раиси вилояти Суғд истеҳсоли гӯштро хоҷагиҳои шаҳру ноҳияҳои Ашт — 27,1 фоиз, Конибодом — 15 фоиз, Исфара — 11,2 фоиз, Б.Ғафуров — 8,8 фоиз, Айнӣ — 6,2 фоиз, Шаҳристон — 4,6 фоиз ва Мастчоҳ — 3,8 фоиз зиёд намуданд.Ҳаҷми умумии истеҳсоли шир бошад,дар вилоят 59355,7 тоннаро ташкил намуд, ки нисбат ба ҳамин давраи соли гузашта 2,6 фоиз зиёд аст.Истеҳсоли шир дар хоҷагиҳои шаҳру ноҳияҳои Зафаробод — 9,2 фоиз, Ғончӣ — 8,4 фоиз, Конибодом — 5,6 фоиз, Мастчоҳ — 5,3 фоиз, Исфара — 3,5 фоиз, Айнӣ — 2,9 фоиз ва Истаравшан — 2 фоиз афзудааст.