Таъсиси 9 маркази дарёфт ва рушди истеъдодҳо

Душанбе,03.04.2015 (АМИТ “Ховар”, Рафоати Абдулҳамид).- Ба иттилои Хадамоти матбуоти раиси вилояти Суғд бо мақсади фароҳам овардани шароити мусоид баҳри инкишофи зеҳнию ҷисмонии кӯдакону наврасон, ёрӣ расонидан барои ташаккули қобилияту истеъдод ва шавқу ҳавасмандии онҳо ба донишу касбомӯзӣ, фарҳанг ва  варзиш тибқи қарори Ҳукумати Ҷумҳурии Тоҷикистон алҳол дар назди Раёсату шуъбаҳои  маорифи вилоят ва шаҳру ноҳияҳо  9 Маркази дарёфт ва рушди истеъдодҳо бо 45 воҳиди корӣ ташкил шуда, фаъолияти худро ба роҳ монд.
Дар ин бора аз Раёсати маорифи вилоят иттилоъ дода афзуданд, ки ташкили чунин марказҳо дар дигар шаҳру ноҳияҳо идома дорад.