Тоҷикистон ва Финлания: тағйири иқлим

Душанбе, 13.04.2015. (АМИТ Ховар, Кристина Эрлих).- Охири ҳафтаи гузашта бо иштироки мутахассисони вазорату идораҳои дахлдори Ҷумҳурии Тоҷикистон ва Финляндия семинар дар мавзуи Тағйири иқлим ва муҳити зист: ҳамкории байни Тоҷикистон ва Финляндия баргузор гардид.Тавре ки аз Сарраёсати геологияи Тоҷикистон ба АМИТ Ховар, хабар доданд, семинар иборат аз ду қисм : Аҳамияти заминаи маълумот аз рӯи муҳити зист барои мувофиқ шудан ба тағйири иқлим ва Идораи захираҳои таббиӣ буд.Аз рӯи масъалаи якуми семинар намояндагони Кумитаи ҳифзи муҳити зисти назди Ҳукумати Ҷумҳурии Тоҷикистон сухан карда, дар қисми дуюми семинар, ки раёсати онро сардори Сарраёсати геологияи назди Ҳукумати Ҷумҳурии Тоҷикистон Мурод Хол Ҷумъазода ба ӯҳда дошт, мавзӯҳои Сохтор ва фаъолияти Сарраёсати геология ва Таҳкими идораи захираҳои табиӣ барои беҳбуди миллӣ дар Тоҷикистон баррасӣ шуданд.Ба гуфтаи манбаъ, семинар,ки дар он намояндагони Қирғизистон низ ширкат доштанд, ба таври судманд анҷом ёфт.