Тоҷикобод: конфронс бахшида ба соли оила

Тоҷикобод,28.04.2015 (АМИТ «Ховар», М. Ризвон).-Бо ибтикори мақомоти иҷроияи маҳаллии ҳокимияти давлатии ноҳияи Тоҷикобод дар Маркази фароғатии ҷавонон конфронси илмӣ-назариявӣ вобаста ба соли оила эълон гардидани соли 2015 бо ширкати қишрҳои мухталифи ҷомеа баргузор гардид.
Муовини раиси ноҳия Нодираи Маҳмадисо дар партави Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон, мудири бахш оид ба корҳои дин, танзими анъана ва ҷашну маросимҳои миллӣ Абдулмаҷид Ҳафизов, хатиби масҷиди ҷомеи ноҳия Қадим Тӯйчиев дар иртибот ба масъалаҳои пешгирии шомилшавии ҷавонон ба ҳизбҳои ифротгарою ҳангоматалаб, никоҳи хешу таборӣ ва оқибатҳои он, оилаи солим ниёзи ҷомеа, масъулияти падару модар дар тарбияи фарзанд, сарфакорӣ ва моҳияти он барои зиндагии шоиста сухан ронданд.