ВКД ҶТ: Савгандёдкунии ҷавонони бошарафу матинирода
Душанбе, 24.04.2015. (АМИТ «Ховар», Муқаддас Темурзода).-Имрӯз дар қисми ҳарбии 3502 Раёсати қӯшунҳои дохилии Вазорати корҳои дохилии ҶТ маросими савгандёдкунии наваскарони даъвати баҳории соли 2015 баргузор гардид.
Назар ба иттилои ВКД ҶТ, дар ин маросим фармондеҳи Раёсати қӯшунҳои дохилии Вазорати корҳои дохилӣ Муҳаммадзода Хуршед Изатулло, собиқадорон, меҳмонон ва волидайни наваскарон иштирок намуданд.
Наваскарон барои хизмати софдилона, садоқат ба Ватан ва аз худ намудани вазифаҳои хизматӣ савганд ёд карданд, ки ин муқаддасоту ифтихор, покию беолоишӣ ва нангу номуси ҳар як сарбоз хоҳад буд.
Фармондеҳи Раёсати қӯшунҳои дохилии Вазорати корҳои дохилӣ Хуршед Муҳаммадзода иброз дошт, ки ҳифзи давлату миллат ва марзу буми кишвар пеш аз ҳама ба зиммаи Шумо — ҷавонон вогузор шудааст. Шумо бояд Ватанро дар баробари модари худ дӯст доред, қадр кунед ва ҳифз намоед.
Сипас, бо гузашти идона ва намоиш додани машқҳои низомии наваскарон маросим анҷом ёфт.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
