Вохӯрии М. Гулмаҳмадзода бо донишҷӯён
Душанбе, 29.04.2015. (АМИТ «Ховар», Раъно Нусратуллозода).-27 апрел раиси ноҳияи Темурмалик Мирзохон Гулмаҳмадзода дар Донишкадаи молия ва иқтисоди Тоҷикистон (ДМИТ) бо донишҷӯёни ноҳия, ки аз тариқи квотаи президентӣ дар донишгоҳу донишкадаҳои шаҳри Душанбе таҳсил доранд, вохӯрд.Тавре ки аз ДМИТ иттилоъ доданд, М. Гулмаҳмадзода гуфт, ки ҳукумати ноҳияи Темурмалик ҳамеша аз аҳволи донишҷӯён бохабар буда, пайваста онҳоро дастгирӣ менамояд. Зикр гардид, ки имрӯз тамоми шароитҳо барои таҳсили донишҷӯён муҳайё буда, танҳо аз онҳо талаб мешавад, ки ҳамеша аз паи омӯзиши илм ва дарёфти донишҳои замонавӣ бошанд. Донишҷӯён бояд ба қадри дастовардҳои истиқлолият ва таваҷҷуҳи Ҳукумати кишвар бирасанд ва мутахассисони соҳибтахассус шуда, ба маҳалли зисташон баргашта, ба халқу миллати хеш хизмат кунанд.Мавриди зикр аст, ки аз ноҳияи Темурмалик тибқи квотаи президентӣ дар макотиби олии шаҳри Душанбе 85 нафар донишҷӯ таҳсили илм менамояд, ки аз онҳо як нафараш дар Донишкадаи молия ва иқтисоди Тоҷикистон мехонад.Дар анҷом раиси ноҳия барои ҳавасмандӣ ба донишҷӯён кумакпулӣ супорид.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
