Ҳайати роҳиоҳанчиён ба Минск меравад
Душанбе, 18.05.2015.(АМИТ «Ховар», Марзия Саидзода).- Фардо ҳайати роҳиоҳанчиёни тоҷик таҳти роҳбарии сардори Корхонаи воҳиди давлатии /КВД/ «Роҳи оҳани Тоҷикистон Комил Мирзоолимов ҷиҳати иштирок дар 62-юмин ҷаласаи Шӯрои роҳиоҳанчиёни кишварҳои Иттиҳоди Давлатҳои Мустақил /ИДМ/ ба Минск -пойтахти Беларус меравад.
Назар ба иттилои Исмоил Исмоилов -мудири шуъбаи робитаҳои байналмилалии КВД «Роҳи оҳани Тоҷикистон», дар ин сафар сардори «Роҳи оҳани Тоҷикистон»-ро ҳамзамон муовинонаш Баҳром Шодиев, Исматулло Абдуллоев, инчунин Музаффар Мӯминов- сардори Хадамоти боркашонӣ, Шералӣ Қурбонов-сардори Хадамоти мусофирбарӣ, Шоҳрух Ҳасанов, директори экспедитсияи нақлиёти роҳи оҳан ва Обидҷон Бобомуродов -муовини сардори Хадамоти молиявию иқтисодии корхонаи мазкур ҳамроҳӣ менамоянд. Интизор меравад, ки дар ҷаласаи Шӯрои роҳиоҳанчиёни кишварҳои ИДМ масоили марбут ба таҳкими ҳамкориҳои роҳиоҳанчиёни ин давлатҳо, бахусус ҷараёни иҷрои қарорҳои қаблан қабулшуда, корҳои анҷомдодашуда дар бахши шабакаҳои роҳи оҳан, комплекси мусофиркашонӣ дар соли 2014 ва семоҳаи аввали соли 2015, инчунин таҳияи ҷадвали меъёри ҳаракати қатораҳо дар солҳои 2015-2016, омодагӣ ҷиҳати барӯйхатгирии вагонҳои боркашонӣ дар соли 2015 ва дигар масъалаҳои тақвияти ҳамкориҳои идораҳои роҳи оҳани кишварҳои ИДМ матраҳ мегарданд.
Дар ҷаласаи Шӯрои роҳиоҳанчиёни кишварҳои ИДМ, ки 20-21 май дар Минск доир мегардад, ҳайати идораҳои роҳи оҳани кишварҳои Арманистон, Беларус, Қазоқистон Қирғизистон, Молдова, Озарбойҷон, Русия, Тоҷикистон, Туркманистон, Ӯзбекистон, Украина, инчунин намояндагони Гурҷистон, Латвия, Литва, Эстония, Булғористон, Финляндия ва Эрон иштирок менамоянд.
Бояд тазаккур дод, ки Шӯрои нақлиёти роҳиоҳанчиёни кишварҳои ИДМ дар асоси Созишномаи сарони ҳукуматҳои ИДМ 14 феврали соли 1992 бо мақсади таъмини робитаҳои устувори иқтисодии давлатҳои ИДМ созмон дода шудааст. Бо шарофати фаъолияти шӯрои мазкур технологияи шабакаҳои ягонаи роҳи оҳани ИДМ ҳифз, инчунин рушди инфрасохтор ва сиёсати тарифии роҳҳои оҳани ИДМ таъмин гардид. Интизор меравад, ки дар ҷаласаи 62-юми Шӯрои роҳиоҳанчиёни ИДМ, Сергей Лебедев-раиси Кумитаи иҷроия ва котиби иҷроияи ИДМ иштирок намояд.
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
Иштироки ҳайати Тоҷикистон дар Симпозиуми байналмилалии авиатсияи гражданӣ дар Амороти Муттаҳидаи Араб
