Ҷамъбасти Форуми ҷавонон дар Кӯлоб
Душанбе, 19.05.2015. («АМИТ Ховар», Некрӯзи Муҳаммадсодиқ).-Дар доираи нақшаи чорабиниҳои 30 рӯзи ҷавонӣ бахшида ба Рӯзи ҷавонони Тоҷикистон таҳти унвони «Ҷавонон давомдиҳандагони ҳадафҳои олии кишвар» 15-16 майи соли равон бо ибтикори Кумитаи ҷавонон, варзиш ва сайёҳӣ дар ҳамкорӣ бо Донишгоҳи технологии Тоҷикистон аввалин Форуми байналмилалии «Ҷавонон-неруи рушди зеҳнии кишвар» дар шаҳрҳои Душанбе ва Кӯлоб доир гардид. Дар Форуми байналмилалӣ олимон ва ҷавонони ихтироъкор ҳам аз дохил ва ҳам аз хориҷи кишвар ширкат варзиданд.
Ба таъкиди масъулини Кумитаи ҷавонон, варзиш ва сайёҳӣ баргузории Форум ба рушди интеллектуалӣ ва муаррифии неруву имкониятҳои зеҳнии ҷавонони 68 шаҳру ноҳияи мамлакат равона гардид.
Дар қисмати дуввуми Форум, ки 16 май дар шаҳри Кӯлоб идома ёфт, олимону ихтироъкорон аз ВМКБ, вилоятҳои Суғду Хатлон, навоҳии тобеи марказ ва меҳмонон аз Русия ва дигар кишварҳои хориҷӣ иштирок намуда, ҳунару истеъдод ва корҳои анҷомдодаи худро намоиш доданд.
Дар анҷом ба нафароне, ки дар баргузорӣ ва кори Форум саҳм доштанд, аз ҷониби кумитаи тадорукот сипоснома ва туҳфаҳои хотиравӣ тақдим шуданд.
Дар ин бора ба АМИТ «Ховар» Наврӯз Қурбонов, мутахассиси пешбари Бахши таҳлилу иттилооти Кумитаи ҷавонон, варзиш ва сайёҳӣ иттилоъ дод.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар водиҳои Тоҷикистон ҳаво то 18 дараҷа гарм мешавад
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
Имрӯз дар шаҳри Душанбе ҳаво то 15 дараҷа гарм мешавад
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
