Ҷоизаи «Симурғи булӯрин» ба Марат Орифов

Душанбе, 7. 05. 2015. (АМИТ «Ховар», Мавҷуда Анварӣ).- Дар ҷашнвораи байналмилалии филми «Фаҷр»-и Эрон дар Пардиси синамоии “Миллат” — и Теҳрон ҳунарманди тоҷик Марат Орифов барои нақшофарӣ дар филми «Муаллим» — и коргардон Носир Саидов ба гирифтани ҷоизаи махсуси ҷашнвора- «Симурғи булӯрин» муваффақ гардидааст. 
Филми “Муаллим” бо коргардонии Носир Саидов дар ҳошияи сию сеюмин Ҷашнвораи байналмилалии филми «Фаҷр»-и Эрон намоиш дода шуд. Ба гуфтаи коргардони тоҷик навиштани филмнома 3 сол, филмбардорӣ 45 рӯз ва тадвини он се моҳ тӯл кашидааст. Дар филм Маҳнози Афшор — ҳунарманди маъруфи эронӣ яке аз нақшҳои асосиро бозӣ намудааст.