Баргузории ҷаласаи Кумитаи котибони шӯроҳои амнияти СААД дар Тоҷикистон
Душанбе, 14.05.2015 (АМИТ «Ховар»).- 19-20 май дар шаҳри Хуҷанди вилояти Суғд ҷаласаи Кумитаи котибони шӯроҳои амнияти кишварҳои аъзои Созмони Аҳдномаи амнияти дастаҷамъӣ (СААД) баргузор мегардад.Ҷаласаи мазкур таҳти роҳбарии Котиби Шӯрои амнияти Тоҷикистон Абдураҳим Каҳҳоров ҷараён гирифта, дар он Котиби генералии СААД, котибони шӯроҳои амнияти давлатҳои аъзои СААД аз ҷумҳуриҳои Арманистон, Беларус, Қазоқистон, Қирғизистон ва Русия иштирок хоҳанд кард. Бояд гуфт, ки дар кори ин ҷаласа масоили марбут ба фаъолияти шӯроҳои амнияти кишварҳои аъзои созмон, авзои бехатарии минтақа, пайомадҳои равандҳои мубрами сатҳи минтақавию ҷаҳонӣ ва дигар масъалаҳои мавриди таваҷҷуҳи ин созмон муҳокима ва баррасӣ мегарданд. Дар фарҷоми ҷаласа ба имзорасии як силсила санадҳои мувофиқашуда дар назар аст. Ҷаласаи Кумитаи котибони шӯроҳои амнияти кишварҳои аъзои СААД бо баргузории нишасти матбуотӣ анҷом меёбад.Ёдовар мешавем, ки соли 2015 Ҷумҳурии Тоҷикистон раисикунандаи СААД аст.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
