Баррасии ҳамкориҳои сайёҳӣ бо Фаластин

Май 20, 2015 10:34

Душанбе 20.05.2015 (АМИТ «Ховар», Фарзонаи Давлат).-Дар доираи мулоқоти худ Аҳтам Абдуллозода, раиси Кумитаи ҷавонон, варзиш ва сайёҳӣ бо Сафири Фавқулода ва Мухтори давлати Фаластин дар Тоҷикистон Муҳаммад Таршаҳанӣ масъалаҳои соҳаи сайёҳӣ ва варзишро бо давлати Фаластин  мавриди баррасӣ қарор додааст. 
Тавре ки дар ин бора Наврӯз Қурбонов, мутахассиси пешбари Бахши таҳлилу иттилооти Кумитаи ҷавонон, варзиш ва сайёҳӣ хабар дод,  вохӯрӣ имрӯз дар Кумитаи ҷавонон, варзиш ва сайёҳӣ доир гардид.
Ҷонибҳо дар мулоқот ҳавасмандии худро барои ҳамкорӣ дар самти туризм ва варзиш баён дошта, изҳор доштанд, ки ин барои рушди соҳаи сайёҳии ҳарду ҷониб мусоидат хоҳад кард. 
Дар мулоқот таъкид шуд, ки туризм соҳаи муҳим буда, шаҳрвандони кишварҳо хоҳиши дидани манзара ва мавзеъҳои туристиро доранд. 
Ба иттилои Аҳтам Абдуллозода дар самти варзиш дар кишвар корҳои зиёд анҷом ёфта, ин соҳа рӯз ба рӯз инкишоф ёфта истодааст. Аз ин рӯ, гуфта шуд, ки барои ҳамкорӣ дар ин самт ягон мушкилии ҷиддӣ мавҷуд набуда, ҷонибҳо барои тавсеа бахшидани муносибот дар ин самт низ имкони хуби ҳамкориро доранд. 
Дар анҷом ҷонибҳо аз мулоқот изҳори қаноатмандӣ намуда, роҳбарияти Кумитаи ҷавонон, варзиш ва сайёҳӣ ба сафир туҳфаи хотиравӣ тақдим намуд.  
 
 
 
 
 
 

Май 20, 2015 10:34

Хабарҳои дигари ин бахш

Имрӯз дар шаҳри Душанбе ҳаво то 41 дараҷа гарм мешавад
Дар Панҷакент сохтмони бинои муассисаи таълимие, ки бар асари сел зарар дида буд, идома дорад
ПАЙВАСТИ ИЛМ БО ИСТЕҲСОЛОТ. Олимони Академияи миллии илмҳои Тоҷикистон бо фаъолияти Агентии обуҳавошиносӣ шинос шуданд
Имрӯз дар баъзе ноҳияҳои водигии Тоҷикистон ҳаво то 41 дараҷа гарм мешавад
Нақшаи қисми даромади Буҷети давлатии Тоҷикистон дар сатҳи 110 фоиз таъмин шуда, 10,1 миллиард сомонӣ ворид гардид
На фақат сайр: интернети мобилӣ барои чӣ зарур аст?
Бар асари суқути ҳавопаймо дар Бразилия 61 нафар ба ҳалокат расид
Имрӯз дар шаҳри Душанбе ҳаво то 39 дараҷа гарм мешавад
«Россотрудничество» ба Мактаб-интернати ҷумҳуриявии кӯдакони ятими Шаҳринав 300 номгӯй китоб тақдим намуд
Дастаи мунтахаби бадминтони Бадахшон соҳиби Ҷоми Федератсияи бадминтони Тоҷикистон шуд
Вазорати молияи Тоҷикистон бо шарикони рушд 18 созишнома ба имзо расонид
«ҶАВОНОН, ИСТИҚЛОЛИЯТ ВА ҲИФЗИ МАНФИАТҲОИ МИЛЛӢ». Бахшида ба Рӯзи байналмилалии ҷавонон дар шаҳру ноҳияҳои Хатлон вохӯриҳо доир шуданд