Баррасии конфронс оид ба масъалаҳои «Даҳсолаи об» дар назди Сарвазир
Душанбе, 27.05.2015 (АМИТ «Ховар», Фарзонаи Давлат).-Масоили омодагӣ ва дар сатҳи баланд баргузор намудани Конфронси байналмилалии сатҳи баланд оид ба масъалаҳои Даҳсолаи байналмилалии амалиёти «Об барои ҳаёт, 2005-2015» ва талошҳои минбаъда бо мақсади дастрасӣ ба рушди устувори захираҳои об имрўз дар ҳузури Сарвазири мамлакат Қоҳир Расулзода дар ҷаласаи навбатии Кумитаи тадорукот баррасӣ гардиданд.
Оид ба ҷараёни омодагиҳо ба ин чорабинии сатҳи баланд маълумоти аъзои кумитаи тадорукот ва роҳбарони гурўҳҳои корӣ шунида шуд.
Тавре ки таъкид гардид, раванди омодагиҳо ба баргузории конфронси мазкур ва чорабиниҳои дар доираи он баргузоршаванда, аз ҷумла Форуми байналмилалии кўдакон ва об, намоиши байналмилалии аксу мусаввараҳо, шоми фарҳангӣ , намоиши имконоту иқтидори захираҳои обӣ ва намоишгоҳи маҳсулоти кишоварзию ҳунарҳои мардумӣ дар сатҳи хуб ҷараён дошта, мунтаззам дар ҷаласаҳои ситоди корӣ баррасӣ мегарданд.
Дар ҷаласа аз аъзои кумитаи тадорукот ва роҳбарони гурўҳҳои корӣ тақвият бахшидани омодагиҳо ва таъмини иҷрои нақшаи чорабиниҳои баргузории Конфронси байналмилалии сатҳи баланд оид ба масъалаҳои Даҳсолаи байналмилалии амалиёти «Об барои ҳаёт. 2005-2015» ва талошҳои минбаъда бо мақсади дастрасӣ ба рушди устувори захираҳои об талаб карда шуд.








Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
30 январ дар якчанд вазорату идораҳо нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
Имрӯз дар Тоҷикистон бориши борон ва барф дар назар аст
Имрӯз дар Тоҷикистон ҳавои тағйирёбанда пешгӯӣ мешавад






