Боздиди вазир аз мавқеи ДМТМ ва қисми ҳарбӣ

Душанбе, 12.05.2015. (АМИТ «Ховар»).- 10  май  вазири   корҳои дохилии Тоҷикистон  Раҳимзода  Рамазон  Ҳамро  бо дастури  Сарвари  давлат  бо  ҳайати  шахсии  дастаи  милисаи  таъйиноти  махсус  (ДМТМ) — и  вилояти  Хатлон  ва  қисми  ҳарбии  2610 Сарраёсати  қӯшунҳои  сарҳадии Кумитаи  давлатии амнияти  миллии ҶТ,  воқеъ  дар  вилояти  Хатлон  вохӯрда, бо  шароити  зист ва  иҷрои  хидмати  сарбозону  афсарон  шинос  шуд. 
Назар  ба  иттилои  идораи  ҳифзи  ҳуқуқи  ҷумҳурӣ,  роҳбари  ВКД  сарбозону  афсаронро  даъват  намуд, ки хидмати  Ватану  халқро садоқатмандона  баҷо  оварда,  барои  ҳифзи  Ватан  доимо  муттаҳиду  омода бошанд.
Қобили  зикр аст, ки  сарбозону  афсарони  қисмҳои  ҳарбӣ  ҳамеша  аз  ғамхории   роҳбарияти  ҳокимияти давлатӣ  бархурдор  буда,  шаҳрвандони  кишвар  аз хидмати   софдилонаи онҳо  ифтихор  доранд.