Бозии даври шашуми Ҷоми AFC-2015 байни «Истиқлол» ва «Аҳал»

Душанбе, 12.05.2015. (АМИТ «Ховар», Ситораи Боймурод).- Тибқи иттилои Кумитаи миллии олипии кишвар, дастаи «Аҳал»-и Туркманистон барои бозӣ ба муқобили «Истиқлол”-и Тоҷикистон дар даври охирини сабқати гурӯҳии Ҷоми AFC-2015 ба Душанбе омад.
Гуфта мешавад, ки  бозии даври шашуми сабқати гурӯҳии Ҷоми AFC-2015 байни «Истиқлол» ва «Аҳал» шаби чоршанбеи 13-уми май дар Варзишгоҳи марказии Душанбе шурӯъ мешавад.
Ёдовар мешавем, баъди натиҷагирии панҷ даври сабқати интихобӣ дар гурӯҳи «С” дастаи»Ал-Қодсия” бо 10 имтиёз ((таносуби тӯбҳояш — 6-4)  пешсаф аст. «Истиқлол” бо 8 имтиёз (таносуби тӯбҳояш — 7-6) дар ҷойи дуюм ва «Аҳал” бо 6 имтиёз (5-9) дар ҷои сеюм қарор доранд. «Эрбил” бо 4 имтиёз (6-7) дар ҷойи охирин — чорум — мебошад.
Барои роҳхати дувум ба даври ҳаштякниҳоӣ «Истиқлол” ва «Аҳал” талош мекунанд. Ба «Истиқлол” барои ба ҳаштякфинал баромадан бозии охиринро бо «Аҳал” мусовӣ кардан басанда аст.
Бозии аввал байни ин дастаҳо дар Ашқобод бо пирӯзии «Истиқлол” бо ҳисоби 2-1 ба анҷом расид.