Дарсҳои назариявӣ дар Раёсати ХМ дар Душанбе

Душанбе, 12.05.2015. (АМИТ  «Ховар», Лайло Тоирӣ).-   Синфхонаҳои  Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар шаҳри Душанбе имрӯзҳо аз муроҷиаткунандагон холӣ нестанд. Ҳамарўза бо шаҳрвандони ҷумҳурӣ, ки мақсади сафар ба  Федератсияи Русияро доранд, дарсҳои назариявӣ гузаронида, ба онҳо қоидаҳои буду бош, тартиби гирифтани сертификат ва патент ба таври содда ва муфид фаҳмонида мешавад. 
Тавре ки сармутахассиси Шуъбаи муҳоҷирати меҳнатӣ Равон Мерганов хабар дод  шаҳрвандон — муҳоҷирони меҳнатӣ  4 вохурӣ  бо иштироки 77- нафар сокинони шаҳри Душанбе ва ноҳияҳои тобеи ҷумҳурӣ гузарониданд. 
Ҳангоми  дарсҳои назариявӣ кормандони Раёсат оид ба қонунгузории нави Федератсияи Русия дар самти муҳоҷират, муваққатан қатъ гардидани рафтуомад ба ин кишвар, тартиби гирифтани Патент, муҳлати будубош, нигоҳ доштани асолати оила, расонидани кўмакҳои моддию маънавӣ ба аҳли оила, падару модар, арҷ гузоштан ба суннатҳои миллию аҷдодӣ, эҳтиром ба рамзҳои давлатӣ, муҳаббат ва содиқ мондан ба Ватани аҷдодӣ, ҳамроҳ нашудан ба гурўҳҳои ифротию экстримистӣ гузаронида маслиҳатҳои муфид дода мешавад. 
Дар айни замон кор дар ин самт идома дорад.