«Фарҳанги водии Ҳисор»: китоби нав

 
            Душанбе, 29.05.2015.(АМИТ «Ховар», Марзия Саидзода).-    «Фарҳанги водии Ҳисор дар ҳамоҳангӣ ба тамаддуни минтақавӣ»- таҳти чунин унвон нашриёти «Дониш» китоби донишмандони шинохтаи тоҷик Аскаралӣ Раҷабов ва Муҳаммадраҳим Каримзодаро рӯи чоп овард.
             Китоб бо забонҳои русӣ ва англисӣ ба ифтихори 3000-солагии тамаддуни Ҳисори шодмон, ки тирамоҳи соли 2015 дар сатҳи баланд таҷлил мешавад, нашр гардидааст. Китобро Ҳукумати Ҷумҳурии Тоҷикистон дар мусоидат бо Академияи имлҳои Ҷумҳурии Тоҷикистон ва Маркази илмии байналмилалии фарҳанги мусиқии мардумони Шарқ «Борбад» мунташир кардааст.
           Назар ба иттилоъи Аскаралӣ Раҷабзода, яке аз муҳаррирони масъули китоби мазкур,  «Фарҳанги водии Ҳисор дар ҳамоҳангӣ ба тамаддуни минтақавӣ» маҳсули кори дастаҷамъонаи донишмандон буда, дар он мақолаҳои олимони барҷастаи  кишварҳои Тоҷикистон, Русия, Фаронса, Канада, Ӯзбекистон ва Туркманистон , ки аз фарҳанги  водии Ҳисор нақл менамоянд, ҷамъоварӣ шудаанд.