Иҷлосияи шашуми гурӯҳи коршиносони СММ анҷом ёфт

Душанбе, 12.05.2015. (АМИТ «Ховар»,  Кристина  Эрлих).- Иҷлосияи   шашуми   гурӯҳи  коршиносон оид ба  таснифи  захираҳои моддаҳои  минералӣ  ва  сӯзишвории  СММ  корашро  дар  шаҳри  Женева  анҷом  дод. 
Дар  иҷлосия  беш  аз  200  нафар  вакилони  кишварҳои  ҷаҳон   ширкат  доштанд. Намояндагии Тоҷикистонро  дар  иҷлосия  муовини  якуми  сардори Сарраёсати  геология  Раҳмонбек  Бахтдавлатов  ба  уҳда  дошт. 
Тавре  ки  Сарраёсати  геологияи  Тоҷикистон   хабар  медиҳад, Раҳмонбек Бахтдавлатов  дар  ҷаласа  дар  мавзӯи  «Масоили  геология  дар  бахши  истифодаи маъданҳои  зеризаминӣ» маърӯза  кард. 
Ёдовар  мешавем, ки бо  ибтикори СММ таснифи  захираҳои моддаҳои  минералӣ  ва  сӯзишворӣ  дар  бисёр  кишварҳои  ҷаҳон  роҳандозӣ  шуда,  ин  амал  раванди ҷалби  маблағҳоро  ба  соҳаи  истихроҷи  маъдан   осон  месозад.