«Истиқлол» бо «Газовик» вомехӯрад

Душанбе, 18.05.2015. (АМИТ «Ховар»).-  Қаҳрамони  секаратаи  Тоҷикистон клуби  футболи «Истиқлол» —  и  шаҳри  Душанбе  бо  клуби «Газовик» — и  шаҳри Оренбурги  Федератсияи  Русия, ки  дар Лигаи  миллии футболи  Русия  қувваозмоӣ  менамояд,  вомехӯрад.
Назар ба  иттилои  сомонаи  расмии клуби «Истиқлол»,  ин  вохӯрӣ 21 июн дар  Варзишгоҳи  марказии ҷумҳуриявии  шаҳри  Душанбе  баргузор  мегардад. 
Ёдовар  мешавем, ки  дар  ҳайати  «Газовик» муҳофизи  дастаи  мунтахаби  миллии  Тоҷикистон  Фарҳод  Восиев  қувваозмоӣ  менамояд. Номбурда  аз  соли  2013 узви  клуби Оренбург  мебошад.