Консепсияи тамға ва ҳифзи ҳуқуқҳои моликони ҳуқуқ

Душанбе, 12.05.2015. (АМИТ «Ховар», Кристина  Эрлих).- 18 ва  19  май  дар  шаҳри  Душанбе давраи  омӯзишӣ  дар  мавзӯи  «Консепсияи тамға  ва  ҳифзи  ҳуқуқҳои  моликони  ҳуқуқ» баргузор  мегардад.  Ин  чорабинӣ  бо  ибтикори  Палатаи  савдо  ва  саноати  Тоҷикистон якҷоя  бо  Лоиҳаи Тоҷикистону  Швейтсария  оид ба  моликияти зеҳнӣ, ки  онро  ҳукумати  Швейтсария   маблағгузорӣ  менамояд,  роҳандозӣ мешавад. 
Тавре  ки  аз  ПСС ҶТ ба  АМИТ «Ховар»  хабар  доданд, дар  ин  маросим   роҳбари  Раёсати   барномаҳои  таълимии  Институти федералии Швейтсария  оид ба   моликияти  зеҳнӣ  Маттиас  Кех  сухан  мекунад.
Дар  ҷараёни  омӯзиш  масоили  аҳамияти  моликияти  зеҳнӣ  барои тиҷорат,  ҳифзи  патент ва ҳуқуқи   муаллифӣ,  ҷиҳатҳои бозаргонии  нишонаҳои  амвол,  ҳамчунин мавқеъгузории тамға  дар  бозор  ва  консепсияи он баррасӣ  мешаванд.