Кумакпули ба Ислом Икромов- бозингари дастаи “Энергетик”

Душанбе, 04.05.2015. (АМИТ “Ховар”, Рафоати Абдулҳамид).- Клуби футболи “Истиқлол”-и Душанбе ба бозингари собиқи дастаи “Энергетик” Ислом Икромов, ки чандин сол боз гирифтори бемории фалаҷ буда, бемори бистарист, барои табобат кумаки молиявӣ расонид.
Тавре ки Федератсияи футболи Тоҷикистон хабар додааст, аз ҷониби клуби футболи пойтахт ба Ислом ёрии молиявӣ расонида шуд. Ёрии молиявиро дар ҳаҷми 5000 доллари ИМА аз номи президенти клуб Шоҳрух Саидов ба Ислом бозингарони даста Нуриддин Давронов, Петро Ковалчук ва Бледа Родригес расониданд.
Ислом миннатдории самимонаи худро ба роҳбарияти клуби футболи “Истиқлол” баён карда, изҳор намуд, ки ин маблағ ба ӯ имкон медиҳад, ки дар осоишгоҳи ба номи Бурденкои шаҳри Сочи табобат бигирад.