Лоиҳаи ҷадид бо мақсади тараққиёт

Душанбе,15.05.2015. (АМИТ «Ховар», Раъно Нусратуллозода).-14 май намояндаи Ташкилоти амонатии қарздиҳии хурди «Имон Интернешнл» Нозимҷон Раҷабов доир ба лоиҳаи «Баланд бардоштани имконоти иқтисодӣ ва молиявии ҷавонон дар шароити иқтисоди бозорӣ» бо донишҷӯёни Донишкадаи молия ва иқтисоди Тоҷикистон (ДМИТ) тренинг гузаронд.
Тавре ки аз ДМИТ иттилоъ доданд, сардори раёсати таълим Амрулло Нуралиев зикр кард, ки мақсади вохӯрӣ баланд бардоштани саводнокии молиявии донишҷӯён ва огаҳӣ пайдо намудани онҳо аз фаъолияти ташкилотҳои хурди қарзӣ ва бонкӣ мебошад.
Намояндаи ТАҚХ Имон Интернешнл Нозимҷон  Раҷабов доир ба фаъолияти ин ташкилот ва хизматрасониҳои он маълумот дода, афзуд, ки ТАҚХ «Имон Интернешнл» лоиҳаи наверо барои баланд бардоштани имконоти иқтисодӣ ва молиявии ҷавонон дар шароити иқтисоди бозорӣ роҳандозӣ намудааст, ки барои донишҷӯёни дар риштаи иқтисод ва молия таҳсилкунанда пешбинӣ шудааст.