Маҳфили ҳофизхонӣ дар КМТ

Душанбе, 29.05.2015. (АМИТ «Ховар»).- Дирӯз дар Китобхонаи миллии Тоҷикистон (КМТ) маҳфили ҳофизхонӣ доир гардид. Ҷамъомадро  директори китобхона Сайфиддин Назарзода оғоз бахшид. Садри маҳфил донишманди Донишгоҳи миллии Тоҷикистон Муҳаммаддовуд Саломов  ғазали «Тарсам, ки ашк  дар ғами мо пардадар шавад»-ро шаҳр дод. Сипас донишмандони риштаи адабиётшиносӣ Рустами Ваҳҳоб, Баҳриддин Мақсудов, Боймурод Шарифзода андешаҳои худро дар бораи ғазали мазкур баён доштанд. Маҳфил хеле ҷолиб  ва диққатҷалбкунанда буд.
Шарҳу тафсири ҳар байти Ҳофиз як ҷаҳон маънӣ ва лаззати махсус дорад. Асрҳои аср ва солҳои сол байни муҳаққиқон баҳри тафсири ҳар байту ғазали алоҳидаи шоири лисон-ул-ғайб Ҳофизи Шерозӣ баҳсу мунозираҳои хеле зиёд вуҷуд дошту дорад. Ҳофизро ҳар шахс бо завқу фаҳмишу салиқаи хеш дарк менамояд ва бузургии Ҳофиз  ҳам дар ҳамин аст.