Маҷмӯаи нав барои хизматчиёни ҳарбӣ

Душанбе, 25.05.2015 (АМИТ «Ховар», Манижаи Баҳромзода).- «Саволу ҷавоби ҳарбӣ»-таҳти чунин унвон маҷмӯаи нави Шукӯҳ Бозоров-донишҷӯи курси 3-юми факултети журналистикаи ДМТ ба нашр расид. Маҷмӯа 330 саволу ҷавобро дар бар мегирад, ки барои кормандони соҳаҳои гуногуни ҳарбӣ, хизматчиёни ҳарбӣ, донишҷӯёни макотиби ҳарбӣ ва инчунин барои мактаббачагони синфҳои 9-10 ва 11 пешбинӣ шудааст. Дар китоб суханони Президенти Ҷумҳурии Тоҷикистон Эмомалӣ Раҳмон, шеърҳо ва рубоиҳо дар васфи Ватан, оинномаҳои Қувваҳои Мусаллаҳи Ҷумҳурии Тоҷикистон ва инчунин дар саҳифаҳои охири он луғати мухтасари русӣ-тоҷикии истилоҳот ва мафҳумҳои асосии Оинномаи сафороии Қувваҳои Мусаллаҳи кишвар оварда шудааст.