Мулоқоти С.Аслов бо М. Таршаҳонӣ

Душанбе, 21.05.2015 (АМИТ «Ховар»).- 20 майи соли 2015 вазири корҳои хориҷии Ҷумҳурии Тоҷикистон Сироҷидин Аслов Сафири Давлати Фаластин дар Ҷумҳурии Тоҷикистон Муҳаммад Таршаҳониро бо хоҳиши ӯ ба ҳузур пазируфт.Дар ҷараёни суҳбат ҳолат ва дурнамои робитаҳои дуҷониба, масъалаҳои тавсеаи заминаи шартномавию ҳуқуқии муносибатҳо ва ҳамкорӣ дар чорчӯби созмонҳои байналмилалӣ, бахусус СММ ва СҲИ баррасӣ шуданд.Ҳамчунин дар атрофи рушди вазъият дар Ховари наздик ва зарурати тақвияти ҳамкориҳои байналмилалӣ дар самти мубориза бар зидди терроризм ва дигар чолишҳои амнияти минтақавию ҷаҳонӣ табодули назар сурат гирифт.