Мулоқоти сафири Тоҷикистон бо раиси БИР
Душанбе, 18.05.2015. (АМИТ «Ховар»).- Сафири Ҷумҳурии Тоҷикистон дар Шоҳигарии Арабистони Саудӣ Аъзамшо Шарифӣ дар шаҳри Ҷидда бо раиси Бонки исломии рушд доктор Аҳмад Муҳаммад Алӣ мулоқот анҷом дод.
Дар ҷараёни мулоқот масоили ҳамкории Ҷумҳурии Тоҷикистон ва Бонки исломии рушд дар бахшҳои мухталиф мавриди муҳокима қарор гирифтанд.
Ҷонибҳо аз натоиҷи ҳамкории судманд изҳори қаноатмандӣ карда, омодагии худро ба татбиқи лоиҳаҳои нави сохторӣ иброз доштанд.
Сафири Тоҷикистон раиси Бонки исломии рушдро бо марому вазифаҳои Конфронси пешорӯи байналмилалӣ дар сатҳи олӣ аз рӯи натиҷаҳои Даҳсолаи байналмилалии «Об барои ҳаёт», ки дар шаҳри Душанбе баргузор мегардад, шинос карда, маводи заруриро ба эшон супурданд.
Доктор Аҳмад Муҳаммад Алӣ ба Ҳукумати Тоҷикистон барои даъваташ ҷиҳати иштирок дар конфронси зикршуда сипосгузорӣ карда, изҳор дошт, ки ҳайати Бонки исломии рушд дар ин чорабинӣ иштирок хоҳад кард.
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
30 январ дар якчанд вазорату идораҳо нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
Имрӯз дар Тоҷикистон бориши борон ва барф дар назар аст
Имрӯз дар Тоҷикистон ҳавои тағйирёбанда пешгӯӣ мешавад
