Муъминобод: Офати табиӣ сари вақт бартараф гардид

Муъминобод, 19.05.2015. (АМИТ «Ховар»,  Сулаймони Хол).-Дар нимаи дуюми рӯзи 17-уми майи соли ҷорӣ дар натиҷаи боридани борони пай дар пай ва омадани сел ба 50 метр роҳи деҳаҳои Лангар ва  Шамсиддин Шоҳини ноҳияи Муъминобод хисорот ворид гардид ва он таъҷилан аз тарафи масъулини мақомоти иҷроияи ҳокимияти давлатии ноҳия барқарор шуд. 
Ба қавли раиси ноҳия Тоҳирхон Амиршоев, хушбахтона, хонаҳои истиқоматӣ ва иншоотҳои ёрирасон зарар надида, техникаҳои зарурӣ барои пешгирии офати табиӣ равона гардиданд. 
Дар айни ҳол аз тарафи Муассисаи давлатии  роҳҳои мошингард корҳои барқароркунӣ дар сойи Тебалай идома дошта, дар назар аст дар рӯзҳои наздик  корҳои соҳилмустаҳкамкунӣ ба итмом расанд.