Мусодираи қариб 2 килограмм маводи мухаддир

Душанбе, 14.05.2015.(АМИТ «Ховар», Муқаддас  Темурзода).- 12 май кормандони милиса  сокини 43-солаи ноҳияи Шаҳринавро бо гумонбарӣ ба гардиши ғайриқонунии маводи мухаддир дастгир намуданд.
 Мувофиқи маълумоти ВКД ҶТ, ҳангоми тафтиш аз шахси гумонбаршуда 978 грамм тарёк мусодира гардид.
Худи ҳамон рӯз кормандони милиса дар ҳудуди ноҳияи Панҷ аз сокини 31-солаи ноҳияи мазкур 931 грамм ҳашиш дарёфт ва мусодира намуданд.
Вазни умумии маводи мухаддири мусодирашуда 1 килограмму 909 граммро ташкил медиҳад.
Аз рӯи ин қазияҳо парвандаи ҷиноӣ кушода, тафтиш идома дорад.