Осоишгоҳи «Баҳористон» Рӯзи оиларо таҷлил намуд

Душанбе, 15.05.2015 (АМИТ “Ховар”).- Чорабиниҳои тантанавӣ бахшида ба Соли оила 14 май  дар осоишгоҳи беҳтарин миёни истироҳатгоҳҳои Тоҷикистон — Осоишгоҳи “Баҳористон” доир гардиданд. 
Ба “Баҳористон” аз тамоми қаламрави вилояти Суғд оилаҳои намунавӣ, ки дар рушди иқтисодиёти кишвар саҳмузор мебошанд, даъват гардиданд. Барои онхо дар толори маросимҳои осоишгоҳ хони идона ороста шуда, гурӯҳҳои эҷодӣ бо савту навои худ ба ин маҳфил хушиву хурсандӣ зам намуданд.  
«Оила ҳамчун асоси ҷомеаи муосир нагаҳдори арзишҳои умумибашарӣ, фарҳанг ва робитаҳои таърихӣ маҳсуб ёфта, омили рушду осоиш мебошад»,-гуфт сардухтури Осоишгоҳи “Баҳористон” Баҳодур Султонов. 
Инчунин дар доираи амалисозии Қонуни ҶТ “Дар бораи танзими анъана ва ҷашну маросимҳои миллӣ” маросими хатнасури якчанд наврас, ки аз оилаҳои ниёзманд мебошанд, гузаронида шуд. Дар маҷмӯъ,  Осоишгоҳи “Баҳористон” ҳамчун ташкилоти дастгири иҷтимоиёт, пайваста оилаҳои ниёзмандону камбизоатро ҳамаҷониба дастгирӣ менамояд. Туҳфаҳои омоданамудаи Осоишгоҳи “Баҳористон” — ро аз номи директори муассиса Абдумалик Содиқов ба кӯдакон супурд.