Пайванди наслҳо дар вилояти Суғд

Душанбе, 13.05.2015. (АМИТ «Ховар», Лайло Тоирӣ).-Дар чойхонаи миллии «Қасри Арбоб»-и ноҳияи Б. Ғафуров бо ташаббуси Раёсати кор бо занон ва оилаи мақомоти иҷроияи ҳокимияти давлатии вилоят ва шуъбаи Раёсати сабти асноди ҳолати шаҳрвандӣ дар вилоят бахшида ба Соли оила ва «Рӯзи байналмилалии оила» маҳфили телевизионии оилаҳои беҳтарин таҳти унвони «Пайванди наслҳо» баргузор гардид.Дар маҳфили мазкур 75 оилаи барӯманд аз шаҳру ноҳияҳои вилоят ширкат варзида, аз ҳаёту фаъолияти хеш доир ба пойдории оила ва фарҳанги оиладорӣ нақлҳо карданд.Ҳамчунин дар чорабинии идона муовини раиси вилоят Н.Ғаффорова, муовини раиси Ҳизби Халқии Демократии Тоҷикистон Р.Маҳмудзода, шахсони масъули шуъбаю бахшҳои кор бо занон ва оила ва сабти асноди ҳолати шаҳрвандии шаҳру ноҳияҳо иштирок карданд. Табрикоти раиси вилоят бахшида ба Рӯзи байналмилали оила аз ҷониби муовини раиси вилоят Н.Ғаффорова қироат шуд.Маҳфилро иштироки санъаткорони вилоят шукӯҳи тоза бахшида, аз ҷониби гулдухтарон либосҳои миллӣ намоиш дода шуданд.Дар ин бора ба АМИТ «Ховар» аз Кумитаи кор бо занон ва оилаи назди Ҳукумати ҶТ иттилоъ доданд.