С.Тағойзода бо М.Таршаҳонӣ вохӯрд

   Душанбе, 20.05.2015. (АМИТ  «Ховар», Лайло Тоирӣ).-Вазири меҳнат, муҳоҷират ва шуғли аҳолии Ҷумҳурии Тоҷикистон Сумангул Тағойзода 19 майи соли 2015  бо Сафири фавқулода ва мухтори Давлати Фаластин дар Ҷумҳурии Тоҷикистон Муҳаммад Абдулло Таршаҳонӣ вохӯрд.
Абдулло Таршаҳонӣ миннатдории хешро ҷиҳати фароҳам овардани мулоқот баён дошта, дар бораи омўзиши таҷрибаи Ҷумҳурии Тоҷикистон дар танзими раванди муҳоҷирати меҳнатӣ ба хориҷа ва баргашти  муҳоҷирон  ба Ҷумҳурии Тоҷикистон  иброз намуд. 
Дар навбати худ Тағойзода Сумангул Саид ба омода намудани муҳоҷирони меҳнатӣ — шаҳрвандони Ҷумҳурии Тоҷикистон пеш аз сафар ба хориҷи кишвар ва дар бораи бозори меҳнат ва шуғли аҳолӣ дар Ҷумҳурии Тоҷикистон иттилоъ дод.  
Мулоқот дар фазои ҳусни тафоҳум ва якдигарфаҳмӣ  сурат гирифт.