Сафари кории Р.Раҳимзода ба Турсунзода

Душанбе, 04.05.2015. (АМИТ «Ховар», Муқаддас  Темурзода).- Чанде  пеш  вазири корҳои дохилии  ҶТ  Раҳимзода  Рамазон  Ҳамро барои   шиносоӣ  бо  ҷараёни  корҳои   созандагӣ  ба  қисми  ҳарбии  6592 Раёсати  кӯшунҳои  дохилии  ВКД,  воқеъ  дар  шаҳри  Турсунзода  сафари  корӣ  анҷом  дод.
Назар  ба  иттилои ВКД  Тоҷикистон,  вазири  корҳои дохилӣ  сараввал  бо  ҳайати  шахсии  қисми  ҳарбӣ  вохурда,  бо  шароити  хидмати онҳо   шинос  шуд.
Вазири  корҳои  дохилӣ Рамазон  Раҳимзода  дар  ҷараёни  сафараш бо  собиқадорон  ва  соҳибкорони  кишвар  дар  маросими кабудизор намудани  ҳудуди  қисми  ҳарбӣ  иштирок   намуд. 
Вазир  барои беҳдошти   шароити  хидмат, таъмири хобгоҳҳо,  майдончаҳои  варзишӣ ва  иншоотҳои дигар  дастурҳои  мушаххас  дод.
Қобили  зикр  аст, ки  алҳол  дар  қисми  ҳарбии  6592  Раёсати  қӯшунҳои дохилии  Вазорати  корҳои дохилӣ чорабиниҳои  зарурӣ   барои  беҳдошти   шароити  хидмати ҳайати  шахсии  қисми  ҳарбӣ идома доранд.