Сарфарозии «Сомон Эйр» бо мукофоти бонуфуз

Душанбе, 12.05.2015. (АМИТ  «Ховар», Лайло Тоирӣ).-Ширкати Boeing 12 май комёбиҳои ширкати ҳавопаймоии «Сомон Эйр»-ро дар рушди авиатсияи Ҷумҳурии Тоҷикистон зикр намуда, намояндагони ширкати Boeing имрўз барои дастовардҳои техникӣ («HighTechnicalOn-TimePerformance») ба Директори генералии ширкати ҳавопаймоии «Сомон Эйр» Евхенио Хайме Манзано мукофот супориданд.
«Ширкати ҳавопаймоии «Сомон Эйр» бо чунин дастоварди таърихӣ ифтихор мекунад. Ин тасдиқи  пешво будани ширкат дар минтақа аст. 
Бино ба иттилои котиби матбуотии ширкат Тимур Бандишоев, ширкати ҳавопаймоии «Сомон Эйр» 440 рӯз парвозҳоро бетаъхир иҷро намудааст ва ин далели хизматрасонии баландсифати техники њавопаймоҳои ширкат буда, тасдиқи он мебошад, ки ин ширкати бехатар мебошад. 
«Ширкати мо  аввалин ширкати ҳавопаймоие мебошад, ки ин мукофотро аз ширкати Боинг қабул мекунад ва барои ба даст овардани стандартҳои байналмилалӣ дар соҳаи бехатарии парвозҳо минбаъд низ кўшиш ба харљхоњемдод», — гуфт Э.Х. Манзано.  Мукофоти»High Technical On-Time Performance»ба ширкатҳои ҳавопаймоӣ барои омодагии саривақтии техники ҳавопаймоҳо ҷиҳати иҷрои парвоз супорида мешавад. 
Феълан ширкати ҳавопаймоии «Сомон Эйр» парвозҳоро аз Тоҷикистон дар самтҳои гуногуни ҷаҳон, аз ҷумла Олмон, АМА, Туркия, Хитой, Русия ва Казоқистон бомуваффақият амалӣ мекунад. Ширкати ҳавопаймоии «Сомон Эйр» дорои ҳавопаймоҳои Боинг 737-300, -800 ва 900 мебошад.