Сокинони шаҳри Чкалов-зидди терроризм
Душанбе, 29.05.2015. (АМИТ «Ховар», Лайло Тоирӣ).-Ба наздикӣ дар меҳмонхонаи “Сипеҳр”-и шаҳри Чкалов тибқи нақшаи муштарак оид ба пешгирии шомилшавии ҷавонон, муҳоҷирон ва занон ба ҳизбу ҳаракатҳои ифротгаро ва тундгарои ба терроризмбаранда дар ҳамбастагӣ бо Дафтари САҲА барномаи иттилоотонӣ дар мавзӯи “Волидон -зидди террор” баргузор гардид.
Сардори шуъбаи муносибатҳои байналмилалии Вазорати меҳнат, муҳоҷират ва шуғли аҳолии Ҷумҳурии Тоҷикистон Маърифат Шокирова перомуни оқибатҳои нохуши шомилшавии ҷавонону занон ва бахусус, муҳоҷирони меҳнатӣ ба ҳизбу ҳаракатҳои ғайриқонунӣ ва иштирок дар муқовиматҳои мусаллаҳонаи хориҷи кишвар сухан гуфт.
Иштирокдорони чорабинӣ перомуни вусъати корҳои фаҳмондадиҳӣ, дуруст маънидод намудани моҳияти масъала ба ҷавонони ноогоҳ, ба роҳ мондани тарбияи дурусти фарзандон ва дар ин самт ҷоннок намудани робитаи волидайн бо муассисаҳои таълимӣ баёни андеша намуда, барои рафъи мушкилоти мавҷуда таклифу пешниҳодҳояшонро манзур сохтанд.
Боиси зикр аст, ки дар семинар сармутахассиси Маҷлиси миллии Маҷлиси Олии Ҷумҳурии Тоҷикистон Зумрад Гулова, ёвари барнома, корманди Дафтари Созмони Амнияту Ҳамкорӣ дар Аврупо Дилноза Мансурова иштирок доштанд.
Судяҳои Тоҷикистон дар Остона дар конфронси байналмилалӣ иштирок намуданд
«САҲМИ МАН ДАР ШАҲРИ МАН». Имрӯз бахшида ба Рӯзи пойтахт иқдоми шаҳрӣ доир карда мешавад
Имрӯз дар Тоҷикистон бориши борон дар назар аст
Имрӯз дар Душанбе ҳаво то 22 дараҷа гарм мешавад
Дар Тоҷикистон Форуми амниятии Осиёи Марказӣ баргузор мегардад
Имрӯз дар Тоҷикистон ҳавои тағйирёбанда пешгӯӣ мешавад
ТАҚВИМИ АМИТ «ХОВАР»: имрӯз 9 апрел, панҷшанбе, 99-умин рӯзи соли 2026 аст
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
