Спартакиадаи донишҷӯён: Рақобати дастаҳо барои ҷои аввал

Душанбе, 07.04.2015. (АМИТ “Ховар”, Фарзонаи Давлат).-Марҳилаи ниҳоии Спартакиадаи донишҷӯёни муассисаҳои таҳсилоти олии касбии кишвар аз рӯи 10 намуди варзиш идома дорад. 
Тибқи ҷадвали баргузории Спартакиада дастаҳо аз рӯи намудҳои гуногуни варзиш байни ҳам рақобат дошта, то имрӯз аз рӯи намуди варзиши сабук, гӯштини самбо ва гӯштини дзюдо рақобатҳо ҷамъбаст гардиданд. Ҳамин тавр дар маҳилаи ниҳоии Спартакиада аз рӯи намуди варзиши сабук дастҳо соҳиби чунин медалҳо гардиданд: 
Душанбе-1: 23 медали тилло, 12 нуқра ва 3 биринҷӣ ба даст оварданд, Душанбе-2 3 медали тилло, 5 нуқра ва 11 биринҷӣ. Ҳамчунин варзишгарони Хатлон 3 медали тилло, 1 нуқра ва 2 биринҷӣ ва Суғд 3 медали тилло, 11 нуқра ва 8 биринҷӣ.
Аз рӯи намуди гуштини самбо дастаҳо ба чунин натиҷаҳо ноил гардиданд: Душанбе-1: 5 медали тилло, 1 нуқра ва 3 биринҷӣ; Душанбе-2: 1 медали тилло, 3 нуқра ва 2 биринҷӣ; Хатлон-: 2 медали тилло, 4 нуқра ва 3 биринҷӣ; Суғд: 1 нуқра ва 5 биринҷӣ; ВМКБ: 1 медали тилло. Натиҷаи медалҳои бадастовардаи дастаҳо аз рӯи намуди гӯштини дзюдо ба таври зайл аст: Душанбе-1: 2 медали тилло ва 5 нуқра; Душанбе-2: 2 медали тилло, 1 нуқра ва 4 биринҷӣ; Хатлон: 1 медали тилло ва 2 биринҷӣ; Суғд: 1 медали тилло, 1 нуқра ва 4 биринҷӣ; ВМКБ: 1 медали тилло ва 4 биринҷӣ.
Ёдрас мешавем, ки дар марҳилаи ниҳоии Спартакиада 619 нафар варзишгари ғолиб аз 5 минтақа аз рўи 10 намуди варзиш байни ҳам рақобат намуда, 24 мактаби олии 5 минтақаи ҷумҳуриро намояндагӣ менамоянд.
Бин ба иттилои Наврӯз Қурбонов,мутахассиси пешбари Бахши таҳлилу иттилооти Кумитаи ҷавонон, варзиш ва сайёҳӣ, Спартакиадаи мазкур то 23 май давом ёфта, маросими пӯшидашавӣ ва ҷоизасупорӣ ба ғолибон дар Рӯзи ҷавонон, ки ҳамасола 23 май ҷашн гирифта мешавад, доир мегардад.