Суханҳои ҳикматомӯзи Сарвари Давлат дар бораи забон

 
Душанбе, 19.05.2015. (АМИТ «Ховар», Муқаддас Темурзода).- 18 майи соли 2015 аз тариқи Бунёди забон китоби нав дар ҳаҷми 116 саҳифа таҳти унвони «Суханҳои ҳикматомӯзи Президент Эмомалӣ Раҳмон дар бораи забон» нашр гардид.
 Китоб бо нақшу нигори рангаи миллӣ оро ёфта, дар он гулчине аз суханҳои ҳикматомӯз, роҳнамоиҳои хирадмандона ва фармудаҳои дилсӯзонаи Президенти Ҷумҳурии Тоҷикистон Эмомалӣ Раҳмон дар бораи омӯхтан, гиромӣ доштан, ҳифзу ҳиросат намудани забони тоҷикӣ ва афзудан ба қудрату тавоноии он фароҳам оварда шудааст.
Итминони он аст, ки ин суханҳои ҳикматомӯз, афкору андешаҳои пурмағз ва нуктаҳои воло ба тамоми тоҷикистониён-барои имрӯзу оянда-ҳамчун дастури раҳнамо хидмат хоҳанд кард.
  Китоб барои доираи васеи хонандагон пешбинӣ шудааст.
  Мураттиб ва муаллифи пешгуфтори ин китоб мушовири калони бахши ёрдамчиёни Президенти Ҷумҳурии Тоҷикистон Зафар Сайидзода мебошад.