Таҷлили Рӯзи байналмилалии оила дар Хуҷанд
Душанбе, 18. 05. 2015. (АМИТ «Ховар», Мавҷуда Анварӣ).-Ҳафтаи гузашта дар шаҳри Хуҷанд бахшида ба Рӯзи байналмилалии оила бо иштироки оилаҳои намуна ва роҳбарияти мақомоти иҷроияи ҳокимияти давлатии шаҳри Хуҷанд чорабинии идона баргузор гардид.
Раиси шаҳри Хуҷанд Раҷаббой Аҳмадзода иштирокчиёни чорабиниро бо Рӯзи оила табрик гуфта, оиларо гурӯҳи хурди ибтидоии давлат номид. Ҷомеаи солим аз оилаи солим ибтидо мегирад ва аз ин рӯ, ҳамагонро лозим аст, ки дар солим нигоҳ доштани оила, тарбияи фарзандон дар руҳияи ахлоқи ҳамидаи инсонӣ бикӯшанд.
Дар шаҳри мо даҳҳо оилаҳои барӯманд ҳастанд, ки худ замоне дар пешрафту шукуфоии кишвар хизмати шоиста кардаанду имрӯз фарзандону пайвандони онҳо ба ҷомеа хизмати шоиста мекунанд,- гуфт раиси шаҳр.
Дар чорабинӣ оилаҳои барӯманд ҳамсарон- Исматҷон Шерматову Сабоҳат Миркалонова ва Тӯхтабой Улмасову Бароатҷон Ӯлмасова, ки солҳои зиёд дар аҳлию тифоқӣ умр ба сар мебаранд, аз таҷрибаи зиндагии якҷоя ва лаҳзаҳои фаромӯшношудании рӯзгорашон нақлҳо карданд.
Ҳамзамон аз ҷониби ҳунармандони Театри ба номи Хоҷа Камол аз рӯзгори як оила саҳнача намоиш дода шуд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
