Тайёрӣ ба машқҳои ҳарбию тактикӣ

Душанбе,14.05.2015. (АМИТ «Ховар», Муқаддас Темурзода).- 13 май вазири корҳои дохилии Тоҷикистон Раҳимзода Рамазон Ҳамро аз маркази таълимии «Мағов», воқеъ дар нохияи Ваҳдат боздид намуда, бо ҷараёни корҳои сохтмонии маркази мазкур шинос шуд.Назар ба иттилои ВКД ҶТ, маркази мазкур барои роҳандозии машқҳои махсуси ҳарбию тактикӣ дар шароити кӯҳсор пешбинӣ шудааст. Алҳол дар ҳудуди марказ сохтмони бархе иншоотҳо, аз ҷумла биноҳои камуфляжӣ, клуб, ошхона ва майдончаҳои варзишӣ анҷом меёбад.Роҳбари ВКД ба шахсони масъул дастур дод, ки барои сари вақт ва хушсифат анҷом ёфтани корҳои сохтмонӣ чораҳои зарурӣ дида, ба гузаронидани машқҳои ҳарбию тактикӣ ҳамаҷониба омода бошанд.