Вохӯрии С.Аслов бо А. Миттал дар Деҳлии Нав

Душанбе, 13.05.2015 (АМИТ «Ховар»).- 12 майи соли 2015 дар шаҳри Деҳлии Нав вохӯрии вазири корҳои хориҷии Ҷумҳурии Тоҷикистон Сироҷидин Аслов бо раиси Корпоратсияи миллии сохтмонии Ҳиндустон (NBCC Ltd) Ануп Кумар Миттал баргузор гардид.Зимни вохӯрӣ Ануп Кумар Миттал самтҳои асосии фаъолияти корпоратсияи мазкур ва дурнамои густариши ҳамкориҳои онро бо Ҷумҳурии Тоҷикистон муаррифӣ намуд.Таъкид гардид, ки иштироки Корпоратсияи миллии сохтмонии Ҳиндустон ва сармоягузориҳои он дар таҳия ва татбиқи муштараки лоиҳаҳои сохтмони биноҳои истиқоматӣ, корхонаҳои истеҳсолӣ, роҳҳо ва иншооти зерсохторӣ дар Тоҷикистон ба тавсеаи ҳамкориҳои гуногунҷанбаи ду кишвар мусоидат хоҳад кард.