Барқияи тасаллияти Президенти Тоҷикистон ба Президенти Тунис

Душанбе, 27.06.2015. (АМИТ “Ховар”). — Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Тунис Баджи Қаид Ас-Себси барқияи тасаллият ирсол намуд, ки дар он, аз ҷумла омадааст:

«Ҷаноби Олӣ,

Хабари даҳшатангези амали зишти террористӣ дар яке аз меҳмонхонаҳои кишвар, ки мўҷиби ҳалокати даҳҳо сайёҳон гардидаст, моро андўҳгин сохт.

Бо ибрози тасаллият ва таъзияи самимӣ, Ҷумҳурии Тоҷикистон ибрози омодагӣ менамояд, ки дар саъю талошҳои дастаҷамъонаи  башарият ҷиҳати гирифтани пеши роҳи чунин ҷиноятҳои ғайриинсонӣ ширкати фаъол намояд, то оромӣ ва осудагии бани Одам таъмин гардад.

Хоҳишмандам ҳамдардии самимонаи моро ба наздикони қурбоншудагон бирасонед. 

Инно лиллоҳи ва инно илайҳи роҷеъун».