Бохти тими мунтахаби Тоҷикистон аз дастаи Русия-2

Душанбе, 27.06.2015 (АМИТ  «Ховар», Меҳрони  Қурбон).-Дирӯз дастаи мунтахаби наврасони футболи Тоҷикистон дар бозӣ барои ҷойҳои 5-6-ум дар мусобиқаи 8-уми байналмилалӣ барои Ҷоми президенти Қазоқистон байни футболбозони 17-сола дар Остона аз дастаи Русия-2 бо ҳисоби 0-1 мағлуб гашт. Ёдовар  мешавем, ки дастаи  мунтахаби Тоҷикистон дар байни 8 даста мақоми шашумро касб кард. Дастаи Русия-2 дар ҷойи панҷум қарор гирифт.

Хотиррасон  менамоем, ки дар бозӣ барои ҷойҳои 7-8-ум дастаи мунтахаби Беларус бар дастаи  Қирғизистон бо ҳисоби 3-1 ғолиб омад. 

Дирӯз инчунин дастаи мунтахаби Гурҷистон, ки барои ҷойи 3-юм дастаи Қазоқистонро бо ҳисоби бузурги 8-1 шикаст дод,бо медалҳои биринҷӣ ва 4 ҳазор доллари амрикоӣ мукофотонида шуд.