Э. Раҳмон: “Агар хоҳанд, ки кишвареро аз байн баранд, аввал забону фарҳанги онро нобуд месозанд”
Душанбе, 26.06.2015. (АМИТ «Ховар», Бекназари Абӯбакр). — “Вақтҳои охир паҳншавии фарҳанги бегона дар баъзе шаҳру ноҳияҳои кишвар мушоҳида гардида, мақомоти иҷроияи ҳокимияти давлатӣ, дигар сохторҳои маҳаллӣ ва фаъолони шаҳру ноҳияҳо нисбат ба ин масъала фориғболӣ зоҳир менамоянд”, — изҳори нигаронӣ намуд Сарвари Давлат Эмомалӣ Раҳмон 26 июн зимни мулоқот бо донишҷӯёни муассисаҳои таҳсилоти олии кишвар ба муносибати 18-солагии таҷлили Рӯзи Ваҳдати миллӣ.
“Ман дар вохўрӣ бо занони мамлакат дар Рўзи модарон таъкид карда будам, ки “агар хоҳанд, ки кишвареро аз байн баранд, аввал забону фарҳанги онро нобуд месозанд”. Ин масъала бисёр ҷиддист ва фориғболӣ кардану нодида гирифтани он ба оқибатҳои нохуш оварда мерасонад”, — афзуд Эмомалӣ Раҳмон.
Президент бо назардошти ин, бори дигар ба мақомоти иҷроияи ҳокимияти давлатии вилоятҳо ва шаҳру ноҳияҳо супориш дод, ки якҷо бо сохторҳои давлативу ҷамъиятӣ барои тарғиби фарҳанги миллӣ тамоми тадбирҳоро андешида, ҷиҳати гирифтани пеши роҳи бегонапарастӣ, тақлид ба фарҳанги бегона, паҳншавии ҳар гуна зуҳуроти номатлуб, зиёдаравӣ ва решакан кардани хурофот ҳамаи чораҳои заруриро амалӣ гардонанд
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
