«Истиқлол»-пешсафи Лигаи олии мамлакат

Душанбе, 29.06. 2015. (АМИТ “Ховар”, Аловиддин Буриев).- Марҳилаи аввали мусобиқоти Лигаи миллии футбол миёни дастаҳои Лигаи олӣ ба анҷом расид. Дирӯз чемпиони мамлакат «Истиқлол»-и Душанбе дар майдони худ «Вахш-»и Қурғонтеппаро бо натиҷаи 5 бар 0 мағлуб кард. «Хайр»-и Ваҳдат низ дар сафар бо «Парвоз»-и ноҳияи Бобоҷон Ғафуров вохӯрда, бо ҳисоби 2 бар 1 ғалаба кард. Дар ин давр пирӯзии тими «Равшан»-и Кӯлобро бар «Далерон-Ӯротеппа» зикр кардан ба маврид аст. «Равшан» тавонист дар даври охирин аввалин ғалабаи ниҳоят бузурги худро бо нишондоди 5 бар 0 ба даст орад. Бозии байни дастаҳои КМВА «Помир» ва «Регар ТадАЗ» мусовӣ- 0 бар 0 ҷамъбаст шуд. «Хуҷанд» дар ин давр бар «Барқи тоҷик» бо натиҷаи 1 бар 0 ғалаба карда,  мавқеашро дар зинаи дуввум устувор кард. Нишонзани беҳтарини мусобика Манучеҳр Ҷалилов мебошад, ки ба дарвозаи ҳарифон 7 тӯб задааст. Ҷадвали ниҳоии марҳилаи аввал чунин шакл гирифтааст:  

          Б    Ғ    М    Б    Т/т    Х
1    «Истиқлол» (Душанбе)    9    9    0    0    34-2    27
2    «Хуҷанд» (Хуҷанд)    9    6    2    1    16-6    20
3    «Хайр» (Ваҳдат)    9    5    1    3    14-13    16
4    «Регар-ТадАЗ» (Турсунзода)    9    4    4    1    14-7    16
5    «Равшан» (Кӯлоб)    9    4    2    3    17-17    14
6    КМВА «Помир» (Душанбе)    9    3    2    4    7-12    11
7    «Далерон-Ӯротеппа» (Истаравшан)    9    3    2    4    10-12    11
8    «Вахш» (Қурғонтеппа)    9    1    3    5    3-15    6
9    «Барки тоҷик» (Душанбе)    9    1    2    6    5-16    5
10    «Парвоз» (Бобоҷон Ғафуров)    9    0    0    9    1-21    0